نصيحة مهمة لكل مصمم حيبتدي حياته التصميمية ❓ ❓ ❓ ❓ كتير مصممين بيسألو كيف بدي اكتسب خبرة❓ ❓ ❓ ❓ إذا أنت اشتغلت على نفسك واتعلمت الأساسيات والقواعد ولقيت نفسك اكتسبت معارف كافية لتخطو خطواتك الأولى في عالم الاحتراف، شو الخطوة الأساسية اللي لازم تعملها؟ خدها مني: 🛑 اشتغل مع وكالة إعلانية 🛑 جوابي مبني على تجربة طويلة جداً خبرة عشرات السنوات في العمل مع مختلف الوكالات الإعلانية في مدن وبلدان متعددة ومع عملاء وأسماء عالمية ، وخبرة طويلة قي العمل الحر شركة إعلانية، وكالة إعلانية، شركة تصميم، مكتب غرافيك بغض النظر عن الاسم، شركة فيها ترتيب وظيفي ومهام متعددة وأقسام هذا المكان اللي حتتعلم فيه اللي ما راح تتعلمه في المدارس والكليات والفيديوهات والدورات والكورسات 🚥 حتتعلم كيف بييجي الشغل، كيفية التعامل مع الزبون، كيف نتعامل مع طلبات الزبون وتنسيقها لتوصل للمصمم، كيف الشغل بيتقسم وبيتوزع. وحسب الشركة وتقسيماتها ممكن تتعلم كيف بيصير التسعير وكيف التعامل مع التعديلات وغير هيك اشياء كتيرة 🚥 في الوكالة الإعلانية حيكون في شخص أخبر منك متل الآرت دايركتر أو الكرييتف دايركتر أو مصممين أصحاب خبرة أكتر منك، ويوم تبني معهم علاقات جيدة حتتعلم منهم كتير وحتشوف طريقة شغلهم. حتتعلم كيف تبني تصميمك من وقت وضع الأفكار لكتابة المحتوى لإنشاء الملفات لغاية النهاية والتحضير للطباعة والارسال للمطبعة وحتتعلم بعدها كيف تأرشف شغلك وملفاتك وتحتفظ بنسخ إضافية 🚥 حتلاقي كتير ناس تنصحك بالشغل الحر ويكون أمرك من راسك وبلا مدير يزن عليك ويوجع راسك، لكن أديه حتختصر طريق إذا لقيت مكان يعلمك كيف تقدر تشتغل بشكل حر؟ بعد ما تكتسب بعض الخبرة صرت تقدر تشوف نفسك جاهز للشغل الحر أو لا، وهل بيناسبك الشغل لوحدك أو مع وكالة 👁️‍🗨️ طبعاً خلي في بالك أن كل مصمم هو حالة خاصة وأنه مافي حل واحد بيناسب الجميع، وأن ظروف كل مصمم تختلف، لكن كقاعدة عامة: الشغل مع الوكالة هو طريقة مهمة جداً لاكتساب الخبرات واكتشاف نقاط قوتك وضعفك وشو التخصص اللي يناسبك